អាកាសធាតុរដូវរងា

សូមស្វាគមន៍មកកាន់គេហទំព័រចលនាឆ្លើយតបអាកាសធាតុរដូវរងារបស់ SDOT ដែលអ្នកនឹងស្វែងរកធនធានដើម្បីជួយអ្នករៀបចំសម្រាប់ព្យុះរដូវរងា និងស្វែងយល់ពីរបៀបដែល SDOT ឆ្លើយតបដើម្បីអោយទីក្រុង Seattle មានដំណើរការដោយសុវត្ថិភាព។

ធនធាន

ទាញយក

• កាតផ្ដល់ពត៌មានអំពីអាកាសធាតុរដូវរងា (មានច្រើនភាសា)
  • ភាសាខ្មែរ្ម

មុនពេលព្រិលនិងទឹកកកធ្លាក់មក

សូមរៀបចំផ្ទះរបស់អ្នកសម្រាប់អ្វីដែលអាចកើតឡើងដោយមិនបានរំពឹងទុកជាមុន។

• ទាញយក បញ្ជីត្រួតពិនិត្យព្យុះរដូវរងា ដើម្បីជួយអ្នកប្រុងប្រៀបជាមុន។ ស្តាប់ ការព្យាករណ៍អាកាសធាតុ ហើយមានគម្រោងទុកជាមុនប្រសិនបើអាកាសធាតុអាចបណ្ដាលឲ្យមានបញ្ហាធ្ងន់ធ្ងរ។ 
• ស្តុករបស់របរទុកឲ្យហើយមុនពេលមានព្យុះមកដល់។ មានគម្រោងសង្គ្រោះបន្ទាន់សម្រាប់ក្រុមគ្រួសារ ដូចជាទូរស័ព្ទដៃនិងឆ្នាំងសាកភ្លើងទូរស័ព្ទ វិទ្យុប្រើថ្ម ប៉ែលចូកព្រិល ថង់អំបិលសម្រាប់ធ្វើឲ្យទឹកកករលាយតាមចិញ្ចើមផ្លូវដើរ សម្លៀកបំពាក់ឲ្យបានកក់ក្តៅ ភួយសាគួរ ពិល សម្ភារះសង្គ្រោះបឋម និងការផ្គត់ផ្គង់អាហារ/ទឹក/ថ្នាំ យ៉ាងហោចណាស់ឲ្យបានចំនួនបីថ្ងៃ។

ការធ្វើដំណើរទៅនេះទៅនោះ

កុំបើកបរ: សូមកុំបើកបរបើមិនចាំបាច់។ ប្រសិនបើអ្នកត្រូវបើកបរ ​ត្រូវប្រាកដថា​ រថយន្តរបស់អ្នកបានត្រៀមរួចរាល់ហើយ។

ធ្វើដំណើរតាមឡានក្រុង: ជៀងវាងបើកបរ ​ជិះឡានក្រុងវិញ។ ក្រសួង​ SDOT ធ្វើការយ៉ាងស្និតស្នាលជាមួយក្រសួង Metro Transit ​ដើម្បីធានាថា ​ឡានក្រុងអាចធ្វើដំណើរទៅរួច។

ជិះកង់ប្រកបដោយសុវត្តិភាព:​ស្លៀកពាក់អោយសមទៅតាមអាកាសធាតុហើយនិងខោអាវភ្លឺចាំងដើម្បីសុវត្តិភាព ​មានភ្លើងមើលផ្លូវនិងមួកសុវត្តិភាព។ ត្រូវមានការប្រុងប្រយ័ត្នបន្ថែម ព្រោះថា​ស្ថានភាពផ្លូវថ្នល់អាចនឹងផ្លាស់ប្ដូរ​ក្នុងមួយរំពេច ហើយអ្នកនិងអ្នកបើកបរ​អាចនឹងត្រូវការពេលវេលាបន្ថែមដើម្បីឈប់។

គោរពផ្លាកសញ្ញាបិទផ្លូវនិងផ្លូវវាង: ​សូមគោរពផ្លាកសញ្ញាបិទផ្លូវនិងផ្លូវវាង។ ផ្កាកសញ្ណាទាំងនេះត្រូវបានដាក់ដោយប៉ូលីសសម្រាប់សុវត្តិភាពរបស់អ្នក។

សូមស្វែងយល់បន្ថែមអំពីរបៀបដើម្បីរក្សាអោយទីក្រុងស៊ីអាថុលធ្វើដំណើរប្រកបដោយសុវត្តិភាពក្នុងអំឡុងពេលមានព្យុះនៅលើទំព័រផ្ដល់ពត៌មានធ្វើដំណើរទៅនេះទៅនោះរបស់យើង។

ផែនទីអាកាសធាតុរដូវរងា

• ផែនទីចលនាឆ្លើយតបអាកាសធាតុរដូវរងា
• ផែនទីបង្ហាញពីផ្លូវដែលត្រូវឈូសព្រិលក្នុងទីក្រុង Seattle
• ផែនទីបង្ហាញពីកាមេរ៉ាចរាចរណ៍

ថែរក្សាចិញ្ចឹមផ្លូវឲ្យស្រឡះល្អ

សូមរក្សាចិញ្ចើមផ្លូវនៅមុខផ្ទះ ឬអាជីវកម្មរបស់អ្នកឱ្យបានស្រឡះល្អក្នុងអំឡុងពេលមានព្យុះព្រិល។ វាគឺ​ជា​ច្បាប់ហើយ​គឺជាអ្វី​ដែលត្រឹមត្រូវយើងគូរធ្វើដើម្បីអោយមនុស្សទាំងអស់គ្នា​អាច​ធ្វើ​ដំណើរ​ដោយ​សុវត្ថិភាព ជាពិសេស​អ្នក​ដែល​ពិបាក​ក្នុង​ការ​ធ្វើ​ដំណើរ។

ទីក្រុង Seattle មានចិញ្ចើមផ្លូវចំនួនជាង ២៤០០ ម៉ាយ ហើយក្រុមការងាររបស់យើងមិនអាចនៅគ្រប់ទីកន្លែងក្នុងពេលតែមួយបានទេ។ យើងពឹងផ្អែកលើអ្នកក្នុងការបំពេញការងាររបស់អ្នក ដើម្បីអោយយើងអាចផ្តោតទៅលើការសម្អាតចិញ្ចើមផ្លូវដែលមិននៅជិតអគារឯកជន និងធ្វើឱ្យផ្លូវសំខាន់ៗរបស់ទីក្រុងជ្រះស្រឡះ។

• រៀបចំ - ស្តុកទុកមុនពេលមានព្យុះ។ មានប៉ែលចូកព្រិល ថង់អំបិលបាចតាមផ្លូវ សំលៀកបំពាក់កក់ក្តៅ ភួយសាគួរ ពិល ឧបករណ៍សង្គ្រោះបឋម និងការផ្គត់ផ្គង់អាហារ/ទឹក/ថ្នាំ យ៉ាងហោចណាស់បានបីថ្ងៃ។
• មុនពេលវាកក - រោយអំបិលគ្រួស (ឬផលិតផលដែលមិនប៉ះពាល់ដល់បរិស្ថានផ្សេងទៀត) នៅលើចិញ្ចើមផ្លូវ ផ្លូវដើរ និងផ្លូវជម្រាលរបស់អ្នក ដើម្បីការពារកុំឱ្យមានទឹកកក។
• សូមសាកសួរអ្នកជិតខាងរបស់អ្នកផង — សាកសួរអ្នកជិតខាងរបស់អ្នក ប្រសិនបើអ្នកដឹងថាពួកគេអាចត្រូវការជំនួយពីអ្នក។ ធ្វើការរួមគ្នា ហើយបង្កើតផែនការដើម្បីធានាថា ប្លុកផ្លូវដើរ ផ្លូវបង្ហូរទឹកភ្លៀង និងផ្លូវកាត់កែង បានជ្រះស្រឡះពីព្រិល/ទឹកកក។
• នៅពេលធ្លាក់ព្រិល — សម្អាតចិញ្ចើមផ្លូវ — សម្អាតចិញ្ចើមផ្លូវនៅមុខផ្ទះ ឬអាជីវកម្មរបស់អ្នករៀងរាល់ 12 ម៉ោងមុនពេលព្រិលប្រែទៅជាទឹកកក។

យើងបានសហការគ្នាជាមួយ Rooted in Rights ដើម្បីបង្កើតវីដេអូមួយដើម្បីអប់រំមនុស្សអំពីសារៈសំខាន់នៃការបោសសម្អាតព្រិល និងទឹកកកពីចិញ្ចើមផ្លូវដែលនៅជិតផ្ទះ អាជីវកម្ម និងកន្លែងការងាររបស់ពួកគេ។ ព័ត៌មាននេះធ្វើឱ្យវាកាន់តែងាយស្រួលហើយមានសុវត្ថិភាពជាងមុនសម្រាប់អ្នករាល់គ្នាក្នុងការធ្វើដំណើរក្រោយពីព្យុះរដូវរងា!